КОНКУРС
Курси таълими барои пешвоёни маданият ва санъат
На русском
Фонди ҷамъиятӣ «Солимии ҷамъият ва ҳуқуқи инсон» дар якҷоягӣ бо эътилофи байналмилалии созмонҳои фарҳангию маърифатии кишварҳои шарики Шарқӣ ва Осиёи Марказӣ қабули курси омӯзишии менеҷменти санъатро барои пешвоёни фарҳанг ва санъат аз тамоми минтақаҳои Тоҷикистон эълон менамояд.

Барои иштирок номзадҳое, ки дар соҳаи фарҳанг таҷриба доранд (кормандони осорхонаҳо, кураторҳо, фаъолони санъат, кормандони фазои санъат, рассомон, фаъолон ва дигар фарҳангиён), ки мехоҳанд малакаҳои нави идоракунии ташкилотҳои фарҳангиро омӯзанд ва/ё лоиҳаҳои худро дар соҳаи фарҳанг ва санъат пешбарӣ кунанд даъват мешаванд.

Курси таълимӣ бо забонҳои русӣ ва тоҷикӣ дар тӯли ҳафт ҳафта хоҳад гузашт. Моҳҳои март ва апрели соли 2024 ҳафтае як маротиба дар шакли офлайн ва онлайн.
Барномаи курс:

  • Муқаддима ба сиёсати фарҳангӣ, нақши нави фарҳанг;
  • Тамоюлҳо ва мавзӯъҳои муосир дар соҳаи фарҳанг, васеъ кардани аудитория;
  • Стратегияи иштирок дар лоиҳаҳои фарҳангӣ;
  • Асосҳои идоракунии лоиҳа;
  • Комуникатсия ва маркетинг;
  • Банақшагирӣ ва ҷалби маблағ, фандрайзинг.

Тренерони барнома коршиносони байналмилалӣ дар соҳаи санъат ва фарҳанг аз кишварҳои шарики Шарқӣ ва Осиёи Марказӣ мебошанд.
Тамара Джанашия (Гурҷистон)
Таҷрибаи чандинсола дар идоракунии лоиҳаҳои фарҳангӣ ва фаъолиятҳои машваратӣ дар Гурҷистон, Озарбойҷон ва Арманистон, инчунин дар Осиёи Марказӣ ва кишварҳои Аврупо дорад. Муассис ва директори иҷроияи ташкилоти ғайритиҷоратии «Лабораторияи фарҳанг ва идоракунӣ» дар Тбилиси мебошад, ки дар соҳаи санъат, табодули фарҳангӣ, сиёсати фарҳангӣ ва рушди стратегии соҳаҳои эҷодӣ фаъол аст.
Ярослав Минкин (Украина/Финландия)
Фаъоли ҳуқуқи башар ва навовари фарҳангӣ, узви Форуми ҷомеаи шаҳрвандии Шарқӣ, муассиси созмони ҷамъиятии «STAN», тренери барномаи Институти Гёте «Лабораторияи дигаргуниҳои фарҳангӣ». Минкин ба демократияи муштарак, гуногунии фарҳангӣ ва муколамаи байнифарҳангӣ, ҳуқуқи инсон, баробарии гендерӣ ва табъиз, банақшагирии стратегӣ, харитасозии ҷомеа ва рушди фарҳангии шаҳрҳо, рушди созмонҳои ҷавонон ва ҳуқуқи инсон дар сатҳи поин тахассус дорад.
Диана Раҳмонова (Тоҷикистон/Қирғизистон)
Рассом, куратор, менеҷери санъат, пажӯҳишгар, рӯзноманигор. Дар Осиёи Миёна майдонҳои санъатро таҳия мекунад. Муассис ва сардори Хонаи маданияти Кудук. Менеҷери лоиҳаи «Барномаи таълимӣ барои роҳбарии фарҳангӣ - фарҳанг барои рушди минтақавӣ», ки аз ҷониби Ҳукумати Швейтсария аз соли 2021 дар Қирғизистон маблағгузорӣ мешавад. Рассом дар Қирғизистон, Украина, Ню Йорк, Вашингтон ва Олмон - дар ҳайати DAVRA дар Documenta fifteen намоиш дода шудааст.
Номзад бояд:

  • Таҷрибаи на камтар аз ду сол дар бахши фарҳанг дошта бошад;
  • Забонҳои русӣ ва тоҷикиро хуб донад;
  • Дар давоми ҳафт ҳафта, ҳафтае як маротиба, дар моҳҳои январ ва феврали соли 2024 вақти худро ба омӯзиш, аз ҷумла супоришҳои амалӣ сарф карда тавонад;
  • Дар Тоҷикистон истиқомат кунад (*номзадҳои интихобшуда аз минтақаҳо метавонанд дар формати онлайн курси таълимиро гузаранд);
  • Шакли дархостро пур кунад (саволнома дар зер оварда шудааст).
*Дархостҳои нопурра барои баррасӣ қабул карда намешаванд.

Мӯҳлатҳои дархост ва интихоби иштирокчиён:

  • Дархостҳо то 10 феврали соли 2024 қабул карда мешаванд;
  • Интихоби ғолибон 15 феврали соли 2024 ба анҷом мерасад. Номзадҳое, ки ба марҳилаи дуюми интихоб гузаштаанд ба мусоҳибаи онлайн даъват карда мешаванд;
  • Эълони натиҷаҳо: 20 феврали соли 2024;
  • Давраи курс: феврал - март соли 2024.

Иштирокчиёне, ки тамоми давраи дарсҳоро хатм мекунанд, донишҳои бунёдиро дар соҳаи менеҷменти санъат барои баланд бардоштани тахассуси худ мегиранд, ки бо шаҳодатномаи хатми бомуваффақияти курс дастгирӣ карда мешаванд.

Номзадҳои фаъолтарин метавонанд то охири соли 2024 омӯзиши амиқи худро дар соҳаи идоракунии санъат идома диҳанд ва ба ҳамкорӣ барои рушди лоиҳа дар маҷмӯъ даъват карда мешаванд.

Барои ҳама гуна саволҳо лутфан ба ин рақам +992908550077 муроҷиат кунед
Саволнома барои дархост:
Лоиҳаи «Барномаи санъат ва фарҳанги Осиёи Марказӣ» аз ҷониби Фонди ҷамъиятии «Солимии ҷамъият ва ҳуқуқи инсон» дар шарики бо ПФ «Маркази фарҳангии «Кудук» (Қирғизистон), ташкилоти ҷамъиятии «СТАН» (Украина) ва «Лабораторияи фарҳанг ва идоракунӣ» (Гурҷистон) бо дастгирии молиявии Ҳукумати Швейтсария амали карда мешавад.

Ҳадафи асосии барнома мусоидат ба рушди устувори иқтисодӣ, иҷтимоӣ ва фарҳангии созмонҳои ҷамъиятии Тоҷикистон тавассути фаъолсозии ҷомеаи ҳунарӣ ва умуман бахши фарҳанг, таъсиси соҳаҳои эҷодӣ дар сатҳи маҳаллӣ ва таҳкими таъсири шаҳрвандон ба сиёсати фарҳангии минтақа ва кишвари худ мебошад.